Ny her?

Registrer deg for å samle dine tur-o klipp, delta i vennskapelig konkurranse med venner og kjente og del turopplevelser med andre i vår turblogg.

Førde IL Orientering

sesongen er avsluttet

Kva er turorientering

Turorientering er ein aktivitet utan tidtaking og utan faste turdagar. Du kan springe aleine, eller gå saman med heile familien. Vi legg turorienteringa opp som turar med ferdige løyper, graderte med fargeskala etter vanskegrad.  «Grøn tur» er den lettaste typen der postane er plasserte langs sti og veg i lett terreng. Vanskegraden og utfordringane vil auke gradvis via «Raud tur» opp til «Svart tur».  Og blir tida for kort eller turen for lang, så kan du dele opp turen i fleire mindre delar og ta dei over fleire dagar.

Førde IL Orientering er dessverre seint ute med turorienteringa i år.  Vi kan no omsider tilby 3 turar av ulik vanskegrad:

  • Grøn tur på Flatane
  • Raud tur i Sundsdalen
  • Svart tur i Kråkenesmarka

Postane er tilgjengelege til 10.oktober. 

Kjøp av kart.  Alle kart kan kjøpast og lastast ned frå nettet ved å registrere seg på www.turorientering.no.  Ved nedlasting frå nettet får du ei PDF-fil, og frå denne kan du skrive ut eit kart med innteikna postar pluss eit ark (klippekort) med postomtale. Prisen er 50 kroner per enkelttur.

Har de ikkje mulighet for å laste ned og skrive ut karta, så kan de bestille Tur-o pakke ved å sende ein mail til : knuteh@hotmail.com eller ringe/sms til 90201994

Registrering av postar. Kontrollkodar på postane registrerer du enklast på nett ved å logge deg inn på www.turorientering.no/forde.  Ein smart måte til å registrere kodane er å ta bilde av posten med mobil eller fotoapparat, og føre over på kontrollkortet seinare.  Hugs å ta med blyant for å notere kontrollkodar dersom du ikkje tar bilde av posten.

Levering av kontrollkort. Ved registrering på nett treng du ikkje å sende inn kontrollkort. Alternativt sender du kontrollkortet innan 20. oktober til: Knut Even Hole, Mo, 6819 Førde.

Sesongavslutning. Etter sesongen  inviterer vi til sesongavslutning og premiering. 

Nærløp kvar onsdag. Førde IL orientering arrangerer gjennom sesongen nærløp kvar onsdag frå kl 18. Her kan du velje alt frå enkel nybegynnarløype til krevjande orientering for den erfarne. Liste over nærløpa finn du på nettsida http://orientering.fordeidrettslag.no/.