Området Ulvedalane ligg mellom Moskog og Holsen. Turen startar ved rasteplassen ved Bulingstjørna, der det er greitt å parkere. Postane 1, 2 og 3 ligg på nordsida av vegen, og du kan finne dei lett ved å følje skogsveg til post 1, eller kraftlinja til post 2 og 3.  Postane 4 til 10 er på sørsida av vegen. Her blir det meir fri-orientering der det kan vera nødvendig å bruke kompasset. Men terrenget er stort sett ope og oversiktleg, og i dette området er det også fleire kraftlinjer som du kan peile mot for å ta deg inn att dersom du kjem ut av kurs. Mot sør vil du sjå Åsvatnet under det meste av turen.